პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილი აცხადებს, რომ ევროპარლამენტის პრეზიდენტმა, დავიდ სასოლიმ სრული მხარდაჭერა გამოუცხადა, როგორც საქართველოს ევროინტეგრაციის პროცესს, ასევე პოლიტიკურ პარტიებს შორის დიალოგს.

„ევროპარლამენტის პრეზიდენტთან ძალიან კარგი შეხვედრა გვქონდა. მან სრული მხარდაჭერა გამოუცხადა, როგორც საქართველოს ევროინტეგრაციის პროცესს, ასევე პოლიტიკურ პარტიებს შორის დიალოგს. იგი მზადაა, რომ ევროპარლამენტი ისევ აქტიურად იყოს ჩართული და გვქონდეს მაქსიმალური ხელშეწყობა. საქართველოს პარლამენტის თავმჯდომარემ სთხოვა დამკვირვებლების გამოგზავნა არჩევნებზე, რაც პანდემიით გამოწვეულ შეზღუდვებთან იქნება დამოკიდებული. სავარაუდოდ, იმ დროისთვის შესაძლებელი იქნება დამკვირვებლების გამოგზავნა და მათი საქართველოში მიღება. სასიხარულოა, რომ დავიდ სასოლიმ დიდი ინტერესი გამოთქვა ვიზიტით ეწვიოს საქართველოს. საქართველოს პარლამენტის თავმჯდომარე კახა კუჭავამ ევროპარლამენტის თავმჯდომარე დავიდ სასოლი საქართველოში მოიწვია და ეს ვიზიტი შედგება“, - აცხადებს მაკა ბოჭორიშვილი.