პარლამენტის სასწავლო ცენტრის ორგანიზებით, პარლამენტის მაჟორიტარი დეპუტატების ბიუროების თანამშრომლებისთვის დაიწყო ტრენინგები,  რომელთა თემებიც შერჩეულია ბიუროების თანამშრომელთა საქმიანობის გათვალისწინებით, კერძოდ: 1. ელექტრონული საქმისწარმოება პარლამენტში; 2. საქართველოს პარლამენტის რეგლამენტი; 3. საფინანსო საკითხები; 4. სახელმწიფო შესყიდვები.

27 აპრილს ჩატარდა პირველი ტრენინგი - ელექტრონული საქმისწარმოება პარლამენტში.

ტრენინგს უძღვებოდა პარლამენტის აპარატის საქმისწარმოების დეპარტამენტის უფროსი ხათუნა უზნაძე.

ტრენინგი მოიცავდა შემდეგ თემებს: ელექტრონული დოკუმენტბრუნვა პარლამენტში; დოკუმენტაციის რეგისტრაცია, მართვა და საიდუმლო საქმისწარმოება;

მოქალაქეთა მომსახურებისა და დოკუმენტაციის მონიტორინგი.

ტრენინგი ჩატარდა ვებექსის (Webex) ონლაინპლატფორმის მეშვეობით და ესწრებოდნენ ყველა მაჟორიტარული ბიუროს თანამშრომლები.