ევროპარლამენტის ყოფილ წევრთა ასოციაციის დელეგაციის შეხვედრა ფრაქცია „ევროპული საქართველოს“ წევრებთან
ევროპული საქართველო 30 სექტემბერი 2019
საქართველოში ვიზიტად მყოფი ევროპარლამენტის ყოფილ წევრთა ასოციაციის დელეგაცია ფრაქცია „ევროპული საქართველოს“ წევრებს შეხვდა.
შეხვედრაზე ძირითადი ყურადღება საქართველოში დღეს არსებულ ვითარებას დაეთმო.
„შეხვედრაზე ვისაუბრეთ იმ გამოწვევების შესახებ, რაც დგას საქართველოს წინაშე, დემოკრატიის უკუსვლის შესახებ. ასევე იმის თაობაზე, თუ რა არის საჭირო იმისათვის, რომ საქართველომ შეძლოს ის, რომ მთავრობის ცვლილება არჩევნების გზით, ცივილიზებულად მოხდეს მაშინ, როცა ამას მოისურვებენ ამომრჩევლები და ასეთი სურვილი დღეს არის სახეზე. ასევე რა არის საჭირო იმისთვის, რომ ამ სურვილისთვის ხელისშეშლა ვერავინ შეძლოს“, - განაცხადა ფრაქცია „ევროპული საქართველოს“ მდივანმა გიორგი კანდელაკმა შეხვედრის შემდეგ.
