პარლამენტის თავმჯდომარის მოადგილემ, სერგი კაპანაძემ ბრიფინგი გამართა და „ევროპული საქართველოს“ სახელით, განცხადება გააკეთა.

სერგი კაპანაძემ „ქართული ოცნების“ ხელისუფლება მართლმსაჯულების პოლიტიზირებაში, ხოლო საქართველოს პრეზიდენტი ნეპოტისტურ გადაწყვეტილებების მიღებაში დაადანაშაულა. პარლამენტის წევრმა მაგალითად ირაკლი ქორიძის გათავისუფლების საქმე მოიყვანა და აღნიშნა, რომ მისი შეწყალებით გათავისუფლების გამო ბოლო პერიოდში სკანდალური განცხადებები ვრცელდება.

„ჩვენ ყველას კარგად გვახსოვს, რომ ქართული ოცნება ხელისუფლებაში მოვიდა იმ დაპირებით, რომ სურდა მოეგვარებინა მართლმსაჯულებაში არსებული პრობლემები, რომლის ნაწილიც მართლაც არსებობდა 2012 წლამდე. მიუხედავად ამ დაპირებისა მათ კიდევ უფრო დაამძიმეს და გააუარესეს ამ სფეროში სიტუაცია“, - განაცხადა სერგი კაპანაძემ.