პარლამენტის ფრაქცია „ნაციონალური მოძრაობის“ თავმჯდომარის მოადგილე,სალომე სამადაშვილი და ფრაქციის წევრი, მამუკა ჩიქოვანი საფრანგეთის ელჩს, დიეგო კოლასს, შეხვდნენ.

„ვისაუბრეთ ყველა გამოწვევაზე, რომელიც ქვეყნის წინაშე დგას, როგორც დემოკრატიის, ასევე უსაფრთხოების თვალსაზრისით. საუბარი შეეხო, აგრეთვე, რუსეთ-საქართველოს ურთიერთობებს და 2020 წლის საპარლამენტო არჩევნებს. ძალიან მნიშვნელოვანია, რომ საფრანგეთის ელჩი აქტიურად ხვდება ოპოზიციის წარმომადგენლებს და ისმენს ჩვენს ხედვას ქვეყანაში მიმდინარე პროცესებთან დაკავშირებით“, - განაცხადა შეხვედრის კომენტირებისას სალომე სამადაშვილმა.