პოლიტიკური კარიერა და სამუშაო გამოცდილება
2019 წლის ნოემბერიდან გიორგი კახიანი არის პარლამენტის თავმჯდომარის მოადგილე;
2016-2019 წლებში - იგი იყო პარლამენტის საპროცედურო საკითხთა და წესების კომიტეტის თავმჯდომარე;
2013-2016 წლებში - საქართველოს მე-8 მოწვევის პარლამენტის წევრი, საპროცედურო საკითხთა და წესების კომიტეტის თავმჯდომარე, იურიდიულ საკითხთა კომიტეტის წევრი. სხვადასხვა დროს იგი იყო სახელმწიფო საკონსტიტუციო კომისიის წევრი;
2005-2007 წლებში - გიორგი კახიანი მუშაობდა საქართველოს საკონსტიტუციო სასამართლოში მთავარი მრჩევლის თანამდებობაზე (სამართლებრივი უზრუნველყოფის დეპარტამენტი);
1999-2003 წლებში - მუშაობდა საქართველოს უზენაეს სასამართლოში მოსამართლის თანაშემწის თანამდებობაზე.

განათლება და აკადემიური საქმიანობა
გიორგი კახიანი არის სამართლის დოქტორი.
2011 წლიდან დღემდე იგი არის ივ. ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი. იურიდიულ ფაკულტეტზე იგი ჩართულია საბაკალავრო, სამაგისტრო და სადოქტორო პროგრამების განხორციელებაში;
2009 წელს, ივ. ჯავახიშვილის სახელობის თბილისის სახელმწიფო უნივერსიტეტში, მან დაიცვა სადოქტორო დისერტაცია;
2007-2011 წლებში გიორგი კახიანი იყო ივანე ჯავახიშვილის სახელობის თბილისის სახელმწიფო უნივერსიტეტის ასისტენტ-პროფესორი;
2005-2008 წლებში - ივანე ჯავახიშვილის სახელობის თბილისის სახელმწიფო უნივერსიტეტის, იურიდიული ფაკულტეტის დოქტორანტი, კონსტიტუციური სამართლის მიმართულებით;
2002-2003 წლები - სახელმწიფოსა და სამართლის ინსტიტუტი (ქ. მოსკოვი);
2000 წელი - საფრანგეთის გრეფიეთა ეროვნული სკოლა (ქ. დიჟონი);
1999-2002 წლებში - ივანე ჯავახიშვილის სახელობის თბილისის სახელმწიფო უნივერსიტეტის, სამოქალაქო სამართლის კათედრის ასპირანტი;
1995 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი.

1996-1997 წლებში გიორგი კახიანი იყო საქართველოს მორაგბეთა ეროვნული ნაკრების მოთამაშე;
1993-2007 წლები - თბილისის სარაგბო კლუბ „ლოკომოტივის“ მოთამაშე, საქართველოს მრავალგზის ჩემპიონი და თასის მფლობელი.

გიორგი კახიანი დაიბადა 1973 წლის 10 დეკემბერს, ქალაქ თბილისში. იგი დაოჯახებულია, ჰყავს მეუღლე და სამი შვილი.

მიმდინარეობს ინფორმაციის განახლება

ძიების შედეგი

გიორგი კახიანი

ლავრენტ სარალიძე