ანზორ ბოლქვაძემ მაღალმთიანი აჭარის გაზიფიცირების მეორე ეტაპზე მიმდინარე და ხიჭაური-ახალდაბა, წყაროთის მიმართულებით ასფალტბეტონის საფარის მოწყობის სამუშაოები დაათვალიერა.

მაღალმთიანი აჭარის გაზიფიცირების მეორე ეტაპი შუახევიდან გოდერძის უღელტეხილამდე, 54 კილომეტრიან მონაკვეთზე, მთავარი გაზსადენის მშენებლობას ითვალისწინებს. ამ ეტაპზე, შუახევის ცენტრიდან ხიჭაურისა და გოდერძის მიმართულებით მილების შედუღებისა და მონტაჟისათვის საჭირო სამუშაოები მიმდინარეობს.

მაღალმთიანი აჭარის გაზიფიცირების მეორე ეტაპი 2018 წელს დასრულდა, რომლის ფარგლებში ცენტრალური მაგისტრალიდან 65 კილომეტრიანი მონაკვეთის მშენებლობა განხორციელდა სალიბაურიდან ხიჭაურამდე. პროექტი 11 000 აბონენტის გაზიფიცირებას ითვალისწინებს. სამშენებლო სამუშაოებში 120 ადამიანი დასაქმდა.

შუახევში, საავტომობილო გზების ხიჭაური-ახალდაბას და ახალდაბა-წყაროთის გზის მონაკვეთებზე 2 685 გრძივი მეტრი ასფალტბეტონის საფარის მოწყობითი სამუშაოები მიმდინარეობს. პროექტის ღირებულება 1 313 400 ლარს შეადგენს.

აღნიშნული ღონისძიების ფარგლებში მოეწყობა 4 და 5 სანტიმეტრიანი 11 975 კვ.მ. ასფალტბეტონის საფარი და 2 272 გრძივი მეტრის ხვადასხვა ტიპის დამცავი ნაგებობა ამ ეტაპზე მიმდინარეობს ასფალტბეტონის საფარის მოწყობის სამუშაოები.

მიმდინარე წელს დეპარტამენტის ბიუჯეტიდან შუახევის მუნიციპალიტეტისათვის დაახლოებით 12,4 მილიონი ლარია გათვალისწინებული. საავტომობილო გზებზე მოეწყობა 13 კმ. სიგრძის ასფალტბეტონის საფარი, 17 კმ. სიგრძის ბეტონის საფარი, რეაბილიტაცია ჩაუტარდება ერთ არსებულ ხიდს, აშენდება ორი ხიდი და 45 ხელოვნური ნაგებობა.

ანზორ ბოლქვაძესთან ერთად იმყოფებოდნენ აჭარის ა.რ. მთავრობის თავმჯდომარე თორნიკე რიჟვაძე, შუახევის მერი ფრიდონ ფუტკარაძე და მთავრობის წევრები.