გარემოს დაცვისა და ბუნებრივი რესურსების კომიტეტმა დღევანდელ სხდომაზე, რომელსაც კომიტეტის თავმჯდომარის პირველი მოადგილე სულხან მახათაძე უძღვებოდა, „გარემოსდაცვითი შეფასების კოდექსში ცვლილების შეტანის შესახებ“ კანონპროექტი საბოლოო, მესამე მოსმენით განიხილა.

კანონპროექტი გარემოს დაცვისა და ბუნებრივი რესურსების კომიტეტის თავმჯდომარემ ნინო წილოსანმა გამოიტანა. როგორც მომხსენებელმა აღნიშნა, მეორე მოსმენის შემდეგ, კანონპროექტში რედაქციული ხასიათის ცვლილებები განხორციელდა. 

პარალამენტის წევრების ნინო წილოსანისა და სულხან მახათაძის საკანონმდებლო ინიციატივის მიხედვით, პანდემიის/ეპიდემიის პერიოდში, ქვეყანაში არსებული ეპიდემიოლოგიური სიტუაციის გათვალისწინებით, შესაძლებელი იქნება გარემოზე ზემოქმედების შეფასების და სტრატეგიული გარემოსდაცვითი შეფასების პროცესში საჯარო განხილვების ონლაინ ფორმატში ჩატარება.

კომიტეტმა კანონპროექტის პარლამენტის პლენარულ სხდომაზე მესამე მოსმენით განსახილველად გატანას ერთხმად დაუჭირა მხარი.

პარლამენტი „გარემოსდაცვითი შეფასების კოდექსში ცვლილების შეტანის შესახებ“ კანონპროექტს დაჩქარებული წესით იხილავს.