საპარლამენტო ფრაქცია „ქართული ოცნება -  ძლიერი  საქართველოსთვის" თავმჯდომარე ირაკლი აბუსერიძე საკრებულოს წევრ ლევან დავითაშვილთან, ისნის რაიონის გამგებელ კახა ლაბუჩიძესთან და საუბნო განყოფილების ხელმძღვანელ ხვიჩა ჩალაბაშვილთან ერთად ისნის რაიონში მიმდინარე საგზაო სამუშაოებს გაეცნო.

დეპუტატის განცხადებით, საგზაო ინფრასტრუქტურის განვითარება ისნის რაიონში  ინტენსიურ რეჟიმში ხორციელდება. მიმდინარე ინფრასტრუქტურული პროექტი, რომელიც ქისის ქუჩის გარკვეული მონაკვეთის რეაბილიტაციას ითვალისწინებს ადგილობრივი ბიუჯეტიდან 103 000 ლარით დაფინანსდა. 

„ისნის რაიონში ვხვდებით მოსახლეობას, ვეცნობით  მათ საჭიროებებს, ასევე პერმანენტულად მონიტორინგს ვუწევთ იმ სამუშაოებს, რომლებსაც რაიონული გამგეობა ახორციელებს. მიმდინარე საგზაო სამუშაოები დღეს დასრულდება და ადგილობრივი მოსახლეობისთვის მნიშვნელოვანი პრობლემა მოგვარდება,“ - განაცხადა ირაკლი აბუსერიძემ.