7 სექტემბერს გაიმართა საქართველოს პარლამენტის თავმჯდომარის მოადგილის, ილია ნაკაშიძისა და თურქული კომპანია “აჭარა ენერჯი 2007”-ის წარმომადგენლების შეხვედრა მარადიდის მოსახლეობასთან.

შეხვედრა ეხებოდა "აჭარა ენერჯი 2007”- ისა და მოსახლეობის ურთიერთობას, კონკრეტულად კი იმ მოქალაქეების, რომელთა საკუთრება ექსპროპრიაციის წესს დაექვემდებარა სასამართლო გადაწყვეტილებით. აღნიშნული შეხვედრა პირველი არ ყოფილა იმ შეხვედრათა შორის, რომელიც ილია ნაკაშიძის ინიციატივითა და ორგანიზებით გაიმართა და ის თითოეულ ამ შეხვედრაზე მოსახლეობის საუკეთესო ინტერესების გათვალისწინებით აფიქსირებდა საკუთარ პოზიციას და არც დღევანდელი შეხვედრა ყოფილა გამონაკლისი.

სასიხარულოა ის ფაქტი, რომ შეხვედრაზე საკითხები გადაწყდა მოსახლეობის მოთხოვნების შესაბამისად, მათ სასარგებლოდ.