N13 ოლქის სამგორის მაჟორიტარი პარლამენტის წევრი შოთა ხაბარელი და თბილისის მუნიციპალიტეტის საკრებულოს სამგორის რაიონის მაჟორიტარი დეპუტატი გიორგი ტყემალაძე, წინუბნის ბაგა-ბაღში  (ბაღის დირექტორი - ციცინო თაყნიაშვილი) ჩატარებულ ღონისძიებას დაესწრნენ.

ღონისძიება „ქართული მულტფილმების გაცოცხლება“ ოთხ-ხუთ წლიანთა ჯგუფში ჩატარდა. ჩანდა, რომ აღმზრდელებმაც და აღსაზრდელებმაც ბევრი იმუშავეს, ძალიან მოინდომეს და ბავშვური სილაღით გააცოცხლეს მულტფილმების: „ჩხიკვთა ქორწილისა“ და „სოფლის მაშენებლების“ პერსონაჟები და სიუჟეტები. ღონისძიება ძალიან მხიარული, ლამაზი და საინტერესო გამოვიდა, ხოლო აღმზრდელ-აღსაზრდელთა ერთიანობამ განსაკუთრებული ელფერი შესძინა.