სამგორის რაიონში, ერთ-ერთ ქუჩას, გამოჩენილი ქართველი გრაფიკოსის და მხატვარ-მონუმენტალისტის, საქართველოს ხელოვნების დამსახურებული მოღვაწის, თბილისის საპატიო მოქალაქის ემირ ბურჯანაძის სახელი ეწოდა (ინიციატორი ქ. თბილისის საკრებულოს სახელდების და სიმბოლიკის კომისია).

ქუჩის გახსნის ცერემონიას ესწრებოდნენ: სამგორის რაიონის მაჟორიტარი პარლამენტის წევრი შოთა ხაბარელი, ქ. თბილისის საკრებულოს სამგორის რაიონის მაჟორიტარი დეპუტატი ქეთევან მამულაშვილი, სამგორის რაიონის გამგებელი კახა სამხარაძე, თბილისის საკრებულოს სახელდების და სიმბოლიკის კომისიის თავმჯდომარე თინათინ ნიბლოშვილი, ოჯახის წევრები და მეგობრები. შოთა ხაბარელმა და სტუმრებმა აღნიშნეს მისი დამსახურება ჩვენი ქვეყნის წინაშე. მან შექმნა თბილისის ლოგო და სხვადასხვა სიმბოლოები. მის მიერ შექმნილია 7 საფირმო ნიშანი, რომელიც შესულია იტალიაში გამოცემული საფირმო და სასაქონლო ნიშნების საერთაშორისო კატალოგში. ქუჩის სახელის მინიჭება მოხდა 18 სექტემბერს, სიმბოლურად, ემირ ბურჯანაძის გარდაცვალებიდან 5 წლისთავზე.