საპარლამენტო ფრაქცია „ქართული ოცნება-მრეწველების“ თავმჯდომარე, სიმონ ნოზაძე დღეს პროფესორ სვიმონ მასხარაშვილს და საერთაშორისო საპროდიუსერო კომპანიის „ნუკი ინტერტეიმენტის“ დამფუძნებელს და აღმასრულებელ დირექტორს, ნათია ნიგურიანი-გლორს შეხვდა.

შეხვედრაზე ისაუბრეს ისტორიული თემატიკის პროექტის განხორციელების შესაძლებლობებზე, რომელიც დოკუმენტურ-მხატვრული სერიალის გადაღებას გულისხმობს. კერძოდ, საუბარია საქართველოს XVII საუკუნის ისტორიაზე.

სერიალი „კავკასიური სამეფონი“ მეფე თეიმურაზ პირველის მეუღლის, დედოფალ ხორეშანის ისტორიას ასახავს.

სიმონ ნოზაძემ, როგორც პარლამენტის განათლების, მეცნიერებისა და კულტურის კომიტეტის წევრმა, აღუთქვა სტუმრებს, რომ საკითხს კომიტეტის წევრებსაც გააცნობს და შეძლებისდაგვარად გაუწევენ პატრონაჟს ამ საინტერესო პროექტის განხორციელებას.