ფრაქცია „ევროპული საქართველოს“ მდივანი, გიორგი კანდელაკი საქართველოში ვიზიტად მყოფ ესტონეთის რესპუბლიკის პარლამენტის ეროვნული თავდაცვის კომიტეტის თავმჯდომარეს ჰანს ჰანსოს და კომიტეტის წევრებს შეხვდა, სადაც ქვეყანაში მიმდინარე პოლიტიკურ პროცესებზე ისაუბრეს. 

„შეხვედრაზე ვისაუბრეთ საქართველოში დღეს არსებულ სიტუაციაზე, რა რისკების წინაშე დგას საქართველო ამჟამად მიმდინარე პოლიტიკური პროცესების ფონზე, რას ნიშნავს პოლიტიკური ცვლილება საქართველოსთვის და როგორ შეიძლება აისახოს ის ქვეყნის უსაფრთხოებაზე“, - განაცხადა შეხვედრის დასრულების შემდეგ გიორგი კანდელაკმა.