გიორგი კანდელაკი უკრაინისა და მოლდოვას დელეგაციას შეხვდა
გიორგი კანდელაკი უკრაინისა და მოლდოვას ახალგაზრდა პოლიტიკოსებს შეხვდა.
კონრად ადენაუერის ფონდის ორგანიზებით გამართული შეხვედრისას საქართველოს ევროკავშირთან დაახლოების კუთხით გადადგმულ ნაბიჯებზე, ჩვენი ქვეყნის ევროკავშირში გაწევრიანების პერსპექტივაზე, აღმოსავლეთ პარტნიორ ქვეყნებში ასოცირების შეთანხმების შესრულებაზე, არსებულ გამოწვევებზე და მიღწევებზე ისაუბრეს.
„კონრად ადენაუერის ფონდი არის „ევროპული საქართველოს“ როგორც ევროპის სახალხო პარტიის წევრის პარტნიორი. მნიშვნელოვანი იყო შეხვედრა საქართველოს, უკრაინის და მოლდოვას ახალგაზრდა პოლიტიკოსებთან, რომლებიც ევროპის სახალხო პარტიის წევრ პარტიებს წარმოადგენენ. ვისაუბრეთ იმ ტრაექტორიაზე, რაც საქართველომ გამოიარა 2003 წლის შემდეგ, დღეს არსებულ ვითარებაზე და იმაზე, თუ რა ნაბიჯები უნდა გადადგას საქართველომ ევროკავშირთან დაახლოების მიმართულებით რათა ჩვენი ქვეყნის ევროკავშირში გაწევრიანება არა შორეულ პერსპექტივაში არამედ, უფრო მალე მოხდეს“, - განაცხადა ფრაქცია „ევროპული საქართველოს“ მდივანმა გიორგი კანდელაკმა.
