საქართველოს პარლამენტის სპორტისა და ახალგაზრდულ საქმეთა კომიტეტის წევრი ირინე ფრუიძე სიერა-ლეონეს რესპუბლიკის პარლამენტის დელეგაციის წამომადგენლებს შეხვდა.

სტუმრები დაინტერესდნენ სპორტისა და ახალგაზრდულ საქმეთა კომიტეტის საქმიანობით და სპორტის განვითარებისა და მასში მეტი ახალგაზრდის ჩართულობის სახელმწიფო პოლიტიკით.

შეხვედრაზე საუბარი ასევე შეეხო საქართველოს პარლამენტის გენდერული თანასწორობის საბჭოს მუშაობას, პარლამენტში გენდერულ თანასწორობასა და საბჭოს აქტივობებს.

„დელეგაციის წევრებს ვესაუბრეთ სპორტისა და ახალგაზრდულ საქმეთა კომიტეტის საქმიანობაზე, როგორც ახალგაზრდული პოლიტიკის ხელშეწყობის მიმართულებით, ასევე სპორტის განვითარების საკითხებზე,“ - განაცხადა ირინე ფრუიძემ შეხვედრის დასრულების შემდეგ.