პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი საქართველოში ვიზიტით მყოფ სპორტის სამართლის სპეციალისტს, შვეიცარიის ფეხბურთელთა ასოციაციის (SAFP) პრეზიდენტს, ლუსიენ ვალონეს შეხვდა. 

მხარეებმა ისაუბრეს სპორტის სამართლის საკითხებზე, მათ შორის, სპორტული არბიტრაჟის სისტემაზე.

„ლუსიენ ვალონე საკმაოდ დიდი ხანია მოღვაწეობს სამართლის და მათ შორის, სპორტული სამართლის დარგში. ხვალ, შვეიცარიელი სტუმარი მონაწილეობას მიიღებს ჩვენი კომიტეტის ეგიდით გამართულ კონფერენციაში, სადაც სპორტული ფედერაციებისა და სპორტში მოღვაწე იურისტები იმსჯელებენ სპორტის სამართლის მიმართულებით ქართულ სპორტში არსებულ გამოწვევებზე. კონფერენციაზე, ასევე საუბარი იქნება სპორტის ახალ კანონზე, რომელზეც პარლამენტის სპორტისა და ახალგაზრდულ საქმეთა კომიტეტი მუშაობს და სპორტულ არბიტრაჟზე, რომელსაც ჩვენი სპორტული საზოგადოება დიდი ინტერსით ელოდება“, - განაცხადა შეხვედრის კომენტირებისას სპორტისა და ახალგაზრდულ საქმეთა კომიტეტის თავმჯდომარემ, მიხეილ ყაველაშვილმა.