ფრაქცია „ნაციონალური მოძრაობის“ თავმჯდომარე რომან გოცირიძე საქართველოში ჩინეთის სახალხო რესპუბლიკის საგანგებო და სრულუფლებიან ელჩს ძი იენჩის შეხვდა.

გაცნობითი ხასიათის შეხვედრაზე მხარეებმა მიმოიხილეს ყველა ის ეკონომიკური და პოლიტიკური საკითხი, რომელიც დღეს ერთმანეთთან აკავშირებს საქართველოს და ჩინეთს. საუბრისას აღინიშნა ორმხრივი კავშირების დინამიური განვითარების შესახებ. 

ელჩმა აღნიშნა, რომ ორ ქვეყანას შორის მრავალი წლის წინ დაწყებული დიპლომატიური და ეკონომიკური ურთიერთობები წარმატების მომტანია ორივე ხალხისათვის და მიესალმა იმ ფაქტს, რომ ეს თანამშრომლობა დღესაც წარმატებით გრძელდება.