პარლამენტის თავმჯდომარის მოადგილე სერგი კაპანაძე შვედეთის სამეფოს საგარეო საქმეთა სამინისტროს პოლიტიკურ დირექტორს, ანა კარინ ენეშტრომს შეხვდა. შეხვედრაზე მხარეებმა საქართველო-შვედეთის არსებული ურთიერთობები და სამომავლო თანამშრომლობის მიმართულებები განიხილეს. 

„შეხვედრაზე შვედურ მხარესთან საქართველო-შვედეთის სტრატეგიული ურთიერთობები და მათი მხადაჭერის საკითხები მიმოვიხილეთ. სტუმარს „ევროპული საქართველოს“ პოლიტიკური ხედვები და საქართველოში არსებული დემოკრატიული ვითარება გავაცანი. საუბარი ასევე შეეხო იმ პრობლემებს, რომელიც დემოკრატიულ განვითარებას ახლავს და ამ მიმართულებით ყურადღება მედიის თავისუფლების საკითხებზე გავამახვილე. შეხვედრაზე აღინიშნა, რომ შვედეთი ერთ-ერთი აქტიური მხადამჭერი ქვეყანაა საქართველოს ევროპული მისწრაფებების მიმართ და ჩვენ პარტნიორული ურთიერთობების მომავალში გაგრძელებაზე შევთანხმდით“, - განაცხადა სერგი კაპანაძემ შეხვედრის დასრულების შემდეგ.