განათლების მეცნიერებისა და კულტურის კომიტეტის თვმჯდომარე მარიამ ჯაში და კომიტეტის წევრი სიმონ ნოზაძე ქალაქ ხაშურის პირველი საჯარო სკოლის ახლად რეაბილიტირებული სასწავლო კორპუსის გაიხსნის საზეიმო ცერემონიას დაესწრნენ.

თანამედროვე სტანდარტების შესაბამისი შენობა აღჭურვილია საჭირო ინვენტარით და ადაპტირებულია შეზღუდული შესაძლებლობის მქონე პირებისთვის. მარიამ ჯაშის ინფორმაციით, ხაშურის პირველ სკოლას კულტურული მემკვიდრეობის უძრავი ძეგლის სტატუსი აქვს და იგი ამ მხრივ მნიშვნელოვანი დატვირთვის მატარებელია. გასულ წელს სკოლას 100 წელი შეუსრულდა.

"სასწავლო გარემო არის უაღრესად მნიშვნელოვანი ბავშვების აკადემიური მოსწრებისათვის და, ბუნებრივია, რეფორმების პროცესში ინფრასტრუქტურის შემდგომ გაუმჯობესებას დაეთმობა მნიშვნელოვანი ყურადღება", - განაცხადა მარიამ ჯაშმა.