მეათე მოწვევის პარლამენტის წევრების საორიენტაციო პროგრამის ფარგლებში, პარლამენტის სასწავლო ცენტრის ორგანიზებით, 9-10 თებერვალს გაიმართა საინფორმაციო ონლაინშეხვედრები დეპუტატებთან, ვებექსის (Webex) პლატფორმის გამოყენებით.

შეხვედრების მიზანი იყო დეპუტატებისთვის საპარლამენტო ცხოვრების, საქმიანობისა და პროცედურების შესახებ ინფორმაციის მიწოდება. საორიენტაციო პროგრამის მიმდინარეობისას განხილულ იქნა მნიშვნელოვანი თემები:  საკანონმდებლო პროცესი, საპარლამენტო კონტროლი, საბიუჯეტო საქმიანობა და ზედამხედველობა, საპარლამენტო ღიაობა და მოქალაქეთა ჩართულობა, გენდერული თანასწორობა, საგარეო პოლიტიკის პრიორიტეტები და სხვა. შეხვედრებს უძღვებოდნენ პარლამენტის აპარატის თანამშრომლები, სასწავლო ცენტრის შიდა ტრენერები, მოწვეული ექსპერტები. ასევე, თავიანთი საქმიანობა და სამომავლო პროექტები გააცნეს დეპუტატებს საერთაშორისო დონორმა ორგანიზაციებმა.

მეათე მოწვევის პარლამენტის წევრების საორიენტაციო პროგრამა განხორციელდა ეროვნულ-დემოკრატიული ინსტიტუტის (NDI), ევროკავშირის (EU), გაეროს განვითარების პროგრამის (UNDP) და USAID-ის კარგი მმართველობის ინიციატივის (GGI) მხარდაჭერით.

პარლამენტის სასწავლო ცენტრი ატარებს  პარლამენტის წევრთა ტრენინგსაჭიროებათა კვლევას, რომლის ანალიზის საფუძველზეც დაიგეგმება სამომავლო ტრენინგები დეპუტატებისთვის.