პარლამენტის სასწავლო ცენტრისა და „საერთაშორისო გამჭვირვალობა - საქართველოს“ ორგანიზებით, პარლამენტის აპარატისა  და პარლამენტის მაჟორიტარი წევრების ბიუროების თანამშრომლებისათვის ჩატარდა ტრენინგი-დისკუსია თემაზე: საპარლამენტო კონტროლის განხორციელება საქართველოში - მიღწევები და გამოწვევები.

ტრენინგი მოიცავდა შემდეგ საკითხებს:

• საპარლამენტო კონტროლის მიმართულებებით განხორციელებული საკანონმდებლო ცვლილებები საქართველოში
• ოპოზიციის როლი საპარლამენტო კონტროლის განხორციელების პროცესში
• უსაფრთხოების სექტორზე საპარლამენტო ზედამხედველობის განხორციელება
• ინტერპელაცია და მინისტრის საათი
• თანამდებობის პირთა მოწვევა კომიტეტის სხდომაზე
• სადეპუტატო კითხვა და სხვა
• საპარლამენტო კონტროლის განხორციელება პანდემიის დროს

ტრენინგს უძღვებოდნენ სასწავლო ცენტრის შიდა ტრენერი, პარლამენტის საპროცედურო საკითხთა და წესების კომიტეტის აპარატის მთავარი სპეციალისტი - მაკა წულაია, „საერთაშორისო გამჭვირვალობა - საქართველოს“ პარლამენტის მონიტორინგის პროექტის მენეჯერი, საპარლამენტო მდივანი ლიკა საჯაია და „საერთაშორისო გამჭვირვალობა - საქართველოს“ მთავარი იურისტი გიგი ჩიხლაძე„საერთაშორისო გამჭვირვალობა - საქართველოს” პარლამენტის მონიტორინგის პროექტის მენეჯერი, საპარლამენტო მდივანი - ლიკა საჯაია და  „საერთაშორისო გამჭვირვალობა - საქართველოს” მთავარი იურისტი - გიგი ჩიხლაძე.

შეხვედრა გაიმართა ვებექსის (Webex) ონლაინპლატფორმის მეშვეობით.