საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარის პირველი მოადგილე, ოლიმპიური ჩემპიონი შოთა ხაბარელი, ჯანმრთელობის ხელშეწყობის სახელმწიფო პროგრამის ფარგლებში (ორგანიზატორები: საქართველოს განათლების, მეცნიერების, კულტურისა და სპორტის სამინისტრო, დაავადებათა კონტროლისა და საზოგადოებრივი ჯანმრთელობის ეროვნული ცენტრისა და ჯანმრთელობის ხელშეწყობისა და განათლების ფონდი) თბილისის N131 საჯარო სკოლაში გამართულ ღონისძიებას (ფიზიკური აღზრდისა და სპორტის ღია გაკვეთილი) დაესწრო.

დეპუტატმა ისაუბრა ჯანსაღი ცხოვრების წესისა და ფიზიკური აღზრდის მნიშვნელობაზე.

ღონისძიებას ასევე ესწრებოდნენ: საქართველოს განათლების, მეცნიერების, კულტურისა და სპორტის სამინისტროს ფიზიკური აღზრდისა და სპორტის ექსპერტი გია ბეგიაშვილი, ჯანმრთელობის ხელშეწყობისა და განათლების ფონდის თავმჯდომარე გიორგი მაღრაძე და ორგანიზაციის წარმომადგენელი გიორგი ბახტაძე.

სკოლას გადაეცა სპორტული ინვენტარი და დარიგდა საინფორმაციო ბუკლეტები.