ევროპასთან ინტეგრაციის კომიტეტის თავმჯდომარე, დავით სონღულაშვილი საქართველოში ევროპის საბჭოს ოფისის ხელმძღვანელს, კრისტიან ურსეს შეხვდა.

გამოსამშვიდობებელი შეხვედრისას, დავით სონღულაშვილმა დიპლომატს მადლობა გადაუხადა საქართველოში ხუთწლიანი მოღვაწეობის ფარგლებში გაწეული საქმიანობისთვის და მას წარმატებები უსურვა.

„კრისტიან ურსემ საქართელოში ხუთი წელი გაატარა. იგი ჩვენი ქვეყნის ძალიან დიდი მხარდამჭერი და კარგი მეგობარია. ამ პერიოდის განმავლობაში იგი ძალიან აქტიურად იყო ჩართული საქრთველოს ცხოვრებაში. ბოლო დროის ერთ-ერთი მნიშვნელოვანი ნაწილი კი იყო ის, რომ ის იყო 8 მარტის შეთანხმების ერთ-ერთი ფასილიტატორი. ვუსურვებ მას წარმატებებს შემდგომ საქმიანობაში“, - აღნიშნა დავით სონღულაშვილმა შეხვედრის დასრულების შემდეგ.