ლევან კობიაშვილი გერმანიის საგანგებო და სრულუფლებიან ელჩს შეხვდა
პარლამენტის სპორტისა და ახალგაზრდულ საქმეთა კომიტეტის წევრმა, ლევან კობიაშვილმა გერმანიის ფედერაციული რესპუბლიკის საგანგებო და სრულუფლებიან ელჩთან, ჰუბერტ ქნირშთან გაცნობითი ხასიათის შეხვედრა გამართა.
შეხვედრაზე მხარეებმა საქართველო-გერმანიის ორმხრივი ურთიერთობები მიმოიხილეს და საპარლამენტო დონეზე თანამშრომლობის გაზრდილი დინამიკა დადებითად შეაფასეს. აღინიშნა, რომ სხვადასხვა მიმართულებებით ორ ქვეყანას შორის ურთიერთობები მნიშვნელოვნად ვითარდება, რასაც მოწმობს საპარლამენტო მეგობრობის ჯგუფების ორმხრივი ვიზიტები და საქმიანი შეხვედრები.
შეხვედრაზე მხარეებმა ახალგაზრდების გაცვლითი პროგრამების საკითხები განიხილეს, რომლის მიხედვითაც, გერმანელი და ქართველი ახალგაზრდები საგანმანათლებლო, კულტურულ და სპორტის მიმართულებებით გერმანიასა და საქართველოში ორმხრივ ვიზიტებს განახორციელებენ.
