სპორტისა და ახალგაზრდულ საქმეთა კომიტეტის თავმჯდომარე, მიხეილ ყაველაშვილი საქართველოში გაეროს ბავშვთა ფონდის (UNICEF) ხელმძღვანელს, ღასან ხალილს შეხვდა.

შეხვედრაზე მხარეებმა ახალგაზრდების მიერ აზარტულ თამაშებში ჩართულობის პრევენციული ღონისძიებების მნიშვნელობაზე ისაუბრეს. აღინიშნა, რომ გაეროს ბავშვთა ფონდს და საქართველოს საპატრიარქოს ამ მიმართულებით უკვე დაწყებული აქვს ერთობლივი მოქმედებები, რომლის ორგანიზებაში და განხორციელებაში სამომავლოდ მონაწილეობას კომიტეტის თავმჯდომარეც მიიღებს.

„ახალგაზრდებს აზარტულ თამაშებში ჩართულობის ალტერნატიული გზები უნდა შევთავაზოთ, რათა მათ უფრო ნაკლები დრო გამონახონ აღნიშნულ თამაშებში ან სხვა ცდუნებებში მონაწილეობისთვის. ამ მიმართულებით კომიტეტმა არაერთი ინიციატივა წამოიწყო, რომლებიც ჯანსაღი ცხოვრების წესის პოპულარიზაციას და სპორტული ობიექტების ინფრასტრუქტურული პროექტების ხელშეწყობას შეეხება.
შეხვედრაზე გაეროს ბავშვთა ფონდის წარმომადგენელმა ამ მიმართულებით კომიტეტთან თანამშრომლობის სურვილი გამოითქვა, რაც კომიტეტის ინიციატივებში ფონდის რესურსების ჩართვას განაპირობებს“, - განაცხადა მიხეილ ყაველაშვილმა შეხვედრის დასრულების შემდეგ.