დღეს, საქართველოს პარლამენტის თავმჯდომარის მოადგილე ილია ნაკაშიძე აჭარის ავტონომიური რესპუბლიკის მთავრობის თავჯდომარესთან, თორნიკე რიჟვაძესთან ერთად აჭარის ინტელიგენციის ნაწილს შეხვდა.

შეხვედრის მიზეზი და მთავარი განსახილველი საკითხი იყო ერთ-ერთი ბოლოდროინდელი მწვავე საკითხი ხულოს მუნიციპალიტეტთან დაკავშირებით.

შეხვედრის მონაწილეებმა აღნიშნეს, რომ ხულო ერთ-ერთი წამყვანი მუნიციპალიტეტია საქართველოს მასშტაბით და არავის აქვს უფლება მათზე, რაიმე ფორმითა და მიზეზით დამამცირებლად ან დამცინავი ტონით ისაუბროს.

შეხვედრაზე ასევე განიხილეს სხვადასხვა სოციალური, კულტურული და ინფრასტრუქტურული მიმდინარე და დაგეგმილი პროექტები, ისაუბრეს სხვადასხვა პრობლემურ საკითხებზე და დასახეს მათი მოგვარების გზები.