პარლამენტის თავმჯდომარის მოადგილის, ზვიად ძიძიგურის შეხვედრას გერმანიის ფედერაციული რესპუბლიკის საგანგებო და სრულუფლებიან ელჩთან, ჰაიკე ფაიჩთან გაცნობითი ხასიათი ჰქონდა. 

შეხვედრაზე საქართველოსა და გერმანიის ფედერაციულ რესპუბლიკას შორის თანამშრომლობის გაღრმავებაზე ისაუბრეს. ზვიად ძიძიგურის შეფასებით, ჰაიკე ფაიჩი არის თავისი ქვეყნის ღირსეული წარმომადგენელი და, ამასთანავე, საქართველოს დიდი გულშემატკივარი. „ვფიქრობ, რომ ჩვენს ქვეყნებს შორის თანამშრომლობა კიდევ და კიდევ უფრო გაღრმავდება“, - განაცხადა პარლამენტის თავმჯდომარის მოადგილემ.