პარლამენტის წევრები ზვიად კვაჭანტირაძე, ეკა ბესელია და ლევან გოგიჩაიშვილი დღეს ამერიკის შეერთებული შტატების სახელმწიფო დეპარტამენტის ქართული განყოფილების თანამშრომელს, აარონ რუპერტს შეხვდნენ. 

შეხვედრაზე ისაუბრეს ჩვენს ქვეყანაში დღეს არსებულ პოლიტიკურ პროცესებზე. სტუმარი დაინტერესდა მართლმსაჯულების რეფორმის მიმდინარეობით. პარლამენტის წევრებმა მას 13 დეპუტატის მიერ ინიცირებული კანონპროექტის მიზანი და ძირითადი პრინციპები გააცნეს.

მათ ასევე თავიანთი პოზიციები გამოხატეს ვენეციის კომისიის, ეუთოს დემოკრატიული ინსტიტუტების და ადამიანის უფლებათა ოფისის (OSCE/ODIHR) რეკომენდაციების გაზიარების მნიშვნელობაზე უზენაესი სასამართლოს მოსამართლეობის კანდიდატთა შერჩევის შესახებ კანონპროქტში, რომლის განხილვაც უკვე მიმდინარეობს პარლამენტში.

დეპუტატებმა უპასუხეს სტუმრის შეკითხვებს.