ინდოეთის პარლამენტთან მეგობრობის ჯგუფის წევრი, გარემოს დაცვისა და ბუნებრივი რესურსების კომიტეტის თავმჯდომარის მოადგილე, ენძელა მაჭავარიანი საქართველოში მოღვაწე ინდოელ ბიზნესმენებს და სამედიცინო უნივერსიტეტის სტუდენტებს შეხვდა.

შეხვედრაზე მხარეებმა საქართველო-ინდოეთის ორმხრივი ურთიერთობები მიმოიხილეს და პანდემიის პერიოდში ინდოეთის სახელმწიფოს მიერ საქართველოსთვის გამოყოფილ დახმარებაზე ისაუბრეს.

ენძელა მაჭავარიანმა სტუმრებს ინდოეთის დამოუკიდებლობის დღე მიულოცა და იმ დახმარებისთვის, რომელიც ინდოეთის სახელმწიფომ და საქართველოში მოღვაწე ინდოელმა ბიზნესმენებმა განახორციელეს, მადლობა გადაუხადა.

აღინიშნა, რომ კორონავირუსის შედეგად არსებულ პანდემიის პერიოდში, გამოყოფილი დახმარების ფარგლებში, სასურსათო პროდუქტები და სამედიცინო მედიკამენტები 3000-მდე ოჯახს დაურიგდა.

შეხვედრის დასასრულს, მხარეებმა სამახსოვრო საჩუქრები გაცვალეს.

ინდოელი სტუმრების ჯგუფის ხელმძღვანელმა ენძელა მაჭავარიანი და პარლამენტის სხვა წევრები ინდოეთის დამოუკიდებლობის დღისადმი მიძღვნილ ღონისძიებაზე მიიწვია.