სამუშაო შეხვედრის ფორმატში, საქართველოს პარლამენტის გენდერული თანასწორობის საბჭოს თემატური მოკვლევის ჯგუფების რეკომენდაციების გაზიარება მოხდა ადრესატ სამინისტროებთან. 

შეხვედრას უძღვებოდა გენდერული თანასწორობის საბჭოს წევრი, გუგული მაღრაძე, რომელიც ხელმძღვანელობდა თემატური მოკვლევის ერთ-ერთ ჯგუფს - „პროფესიული განათლების ხელმისაწვდომობა ქალთა ეკონომიკური გაძლიერებისთვის“.

თემატური მოკვლევის პროცედურა, რომელიც აქტუალური საკითხის შესწავლასა და შესაბამისი სახელმწიფო ორგანოებისთვის რეკომენდაციების მომზადებას ისახავს მიზნად, მიმდინარეობდა 2019 წლის პირველ ნახევარში შემდეგ ორ თემაზე:

• „სახელმწიფო ეკონომიკურ პროგრამებში ქალთა მონაწილეობა“ (ჯგუფის მთავარი მომხსენებელი: ნინო წილოსანი)
• „პროფესიული განათლების ხელმისაწვდომობა ქალთა ეკონომიკური გაძლიერებისთვის“ (ჯგუფის მთავარი მომხსენებელი: გუგული მაღრაძე).

თემატური მოკვლევები, გენდერული თანასწორობის საბჭოს საქმიანობის ფარგლებში, განხორციელდა ეროვნულ დემოკრატიული ინსტიტუტის (NDI) მხარდაჭერითა და ბრიტანეთის მთავრობის UK aid-ის ფინანსური ხელშეწყობით.