ირაკლი კობახიძემ თანამდებობა დატოვა
ირაკლი კობახიძემ, საქართველოს პარლამენტის თავმჯდომარის თანამდებობა დატოვა.
აღნიშნული გადაწყვეტილება ირაკლი კობახიძემ 20 ივნისს, თბილისში განვითარებული მოვლენების შემდეგ მიიღო. გადაწყვეტილების შესახებ ცნობილი „ქართული ოცნება - დემოკრატიული საქართველოს“ პოლიტსაბჭოს დასრულების შემდეგ გახდა.
პარლამენტის რეგლამენტის თანახმად, პარლამენტის თავმჯდომარის გადადგომის შესახებ ფაქტს პარლამენტი ცნობად იღებს უახლოეს პლენარულ სხდომაზე, რაც ფორმდება საოქმო ჩანაწერით.
პარლამენტის თავმჯდომარის გადადგომის შემდეგ, პარლამენტის თავმჯდომარის მოვალეობას ასრულებს მისი პირველი მოადგილე.
პარლამენტის თავმჯდომარის უფლებამოსილების ვადამდე შეწყვეტის შემთხვევაში პარლამენტი 14 დღის ვადაში, დადგენილი წესით ირჩევს ახალ პარლამენტის თავმჯდომარეს.
პარლამენტის თავმჯდომარის კანდიდატურის წარდგენის უფლება აქვს უმრავლესობას, უმცირესობას, ფრაქციას, რომელიც არ არის გაერთიანებული უმრავლესობაში ან უმცირესობაში, იმ პარლამენტის წევრთა არანაკლებ ექვსკაციან ჯგუფს, რომლებიც არ არიან გაერთიანებული არცერთ ფრაქციაში.
