კახა კუჭავა ოლივერ ვარჰეის შეხვდა
თავმჯდომარე 19 მაისი 2021

საქართველოს პარლამენტის თავმჯდომარე კახა კუჭავა ბრიუსელში ვიზიტის ფარგლებში, ევროკავშირის კომისარს სამეზობლო პოლიტიკისა და გაფართოების საკითხებში, ოლივერ ვარჰეის შეხვდა.
შეხვედრაზე ხაზი გაესვა საქართველო-ევროკავშირის დღის წესრიგის მნიშვნელოვან, აქტუალურ საკითხებს და სამომავლო ურთიერთობების გეგმებს.
განსაკუთრებული აქცენტი შავი ზღვის გავლით, საქართველოსა და ევროკავშირს შორის კავშირების გაღრმავებაზე გაკეთდა.