ევროპასთან ინტეგრაციის კომიტეტის თავმჯდომარის პირველი მოადგილე მარიამ ქვრივიშვილი უნგრეთის ელჩს, ვიქტორია ჰორვატს შეხვდა.

მხარეებმა საქართველოს და უნგრეთს შორის პოლიტიკური და ეკონომიკური ურთიერთობების გაღრმავებაზე ისაუბრეს. განსაკუთრებული ყურადღება გამახვილდა საავიაციო და ტურიზმის სექტორის, ასევე საინვესტიციო და სავაჭრო ურთიერთობების გაძლიერებაზე.

მხარეებმა ასევე განიხილეს პარლამენტის როლის გაძლიერებაზე ქვეყნებს შორის თანამშრომლობის განვითარების პროცესში.

ვიქტორია ჰორვატმა აღნიშნა, რომ უნგრეთი დახმარებას უწევს საქართველოს კოვიდპანდემიასთან ბრძოლაში.

დიპლომატმა პოლიტიკური და ეკონომიკური მიმართულებებით აქტიური თანამშრომლობის მზადყოფნა გამოთქვა.