პარლამენტის თავმჯდომარის მოადგილე ილია ნაკაშიძე დღეს ჩინეთის სახალხო რესპუბლიკის ელჩს საქართველოში, ქალბატონ ლი იანს შეხვდა.

ჩინეთის საელჩოში გამართული შეხვედრა თბილ და მეგობრულ წარიმართა.

საუბარი შეეხო ორ ქვეყანას შორის მჭიდრო და თანამშრომლურ ურთიერთობებს, კულტურულ, ტურისტულ, საგანმანათლებლო, ისტორიულ თუ სავაჭრო სფეროებში, რომელიც სათავეს მრავალი საუკუნით წინ, ისტორიული „აბრეშუმის გზის“ პერიოდში იღებს.

შეხვედრაზე საუბრის ძირითადი თემა ლაო ჯინ ჯაოს სახელობის მუზეუმის გახსნის იდეა იყო, ვის სახელსაც მე-19 საუკუნის ბოლოს ჩაის კულტურის განვითარება უკავშირდება. როგორც ცნობილია, 23 წლის ლაო ჯინ ჯაო ჩაქვში 1893 წლის ნოებერში ჩამოვიდა, სადაც 30 წლის განმავლობაში ცხოვრობდა. მისი ინიციატივით შეიქმნა ჩაის ნერგების ორანჟერეა და ჩაის გადამამუშავებელი პირველი მცირე ფაბრიკა. ლაო ჯინ ჯაოს მიერ ჩაქვში მოყვანილ ჩაის 1900 წელს პარიზში, მსოფლიო გამოფენაზე ოქროს მედალი მიენიჭა წარწერით – „კავკასიის ჩაი მსოფლიოში საუკეთესოა“. 

ჩინეთის სახალხო რესპუბლიკის ელჩმა ქალბატონმა ლი იანმა სრული მხარდაჭერა და თანადგომა გამოთქვა ლაო ჯინ ჯაოს მუზეუმის გახსნასთან დაკავშირებით, ასევე გამოთქვა ბათუმში კონფუცის ინსტიტუტის დაარსების სურვილი. როგორც ცნობილია კონფუცის ინსტიტუტების ქსელი დაახლოებით 1000 სასწავლო დაწესებულებას აერთიანებს. ის მსოფლიოს 120 ქვეყანაშია წარმოდგენილი (მათ შორის საქართველოში თბილისში) და TOU ამ მნიშვნელოვანი საგანმანათლებლო ქსელის ნაწილია.