შეხვედრისას მხარეებმა ისაუბრეს საპარლამენტო ფორმატებში თანამშრომლობის საკითხებზე და სამომავლო გეგმებზე.

„ვინაიდან მე ვუხელმძღვანელებ საქართველოს პარლამენტის ავსტრიის პარლამენტთან მეგობრობის ჯგუფს, ჩვენ ერთმანეთს გავაცანით ის სამომავლო გეგმები, რა მიმართულებებითაც ვაპირებთ თანამშრომლობას. ავსტრია ჩვენი ქვეყნის სუვერენიტეტის და ტერიტორიული მთლიანობის მტკიცე მხარდამჭერია. ბატონ თომას მიულმანთან ძალიან საინტერესო შეხვედრა მქონდა და მჯერა, რომ ჩვენ ნაყოფიერი თანამშრომლობა გვექნება“, - განაცხადა შეხვედრის დასრულების შემდეგ იურიდიულ საკითხთა კომიტეტის თავმჯდომარემ, ანრი ოხანაშვილმა.