იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა სტუდენტური პარლამენტის წევრებთან ონლაინ შეხვედრა გამართა.

შეხვედრის დროს ძირითადი ყურადღება გამახვილდა სტუდენტებისთვის მნიშვნელოვან და საინტერესო საკითხებზე, მათ შორის, პარლამენტის საქმიანობაზე, მის როლსა და მისიაზე, მიმდინარე საკანონმდებლო ცვლილებებსა და პოლიტიკურ მოვლენებზე.

დავით მათიკაშვილმა სტუდენტებს გაუზიარა ინფორმაცია საქართველოში დღეს არსებულ გამოწვევებზე და ვაქცინაციის აუცილებლობაზე. 

იურიდიულ საკითხთა კომიტეტის თავმჯდომარის პირველი მოადგილე სტუდენტური პარლამენტის საქმიანობით დაინტერესდა და ახალგაზრდებისგან ის ინიციატივები მოისმინა, რომელთა მიღებასაც სტუდენტები მნიშვნელოვნად მიიჩნევენ. 

შეხვედრის დასასრულს, დავით მათიკაშვილმა სტუდენტური პარლამენტის წევრებს წარმატებები უსურვა და მათთან თანამშრომლობის გაგრძელების სურვილი გამოთქვა.