შეხვედრაზე, განსაკუთრებული ყურადღება ორ ქვეყანას შორის სავაჭრო-ეკონომიკურ სფეროში პარტნიორობის გაღრმავების აუცილებლობას დაეთმო.

მხარეებმა განიხილეს კონკრეტული პროექტები და ღონისძიებები, რომლებმაც ხელი უნდა შეუწყოს ორმხრივი ეკონომიკური ურთიერთობების გაღრმავებას, საქართველოში მცირე და საშუალო მეწარმეობის განვითარებას, ინფრასტრუქტურული პროექტების განხორციელებასა და ქართულ ბაზარზე მეტი იაპონური ბიზნესის შემოსვლას.

დავით სონღულაშვილმა, იაპონიის ელჩს კომიტეტის მიმდინარე საქმიანობა და პრიორიტეტები გააცნო. შეხვედრაზე დაისახა სამომავლო თანამშრომლობის გეგმები.

დავით სონღულაშვილმა აღნიშნა, რომ იაპონია საქართველოს მეგობარი და პარტნიორი ქვეყანაა, რომელსაც მნიშვნელოვანი წვლილი შეაქვს საქართველოს ეკონომიკის გაძლიერებაში.

შეხვედრაზე, ასევე განიხილეს პანდემიასთან ბრძოლის და ვაქცინაციის დროულად განხორციელების საკითხი, მათ შორის, ხაზი გაესვა ერთობლივი ძალისხმევისა და კოორდინაციის აუცილებლობას.

აკირა იმამურამ კიდევ ერთხელ დაადასტურა აღნიშული საკითხების მიმართ იაპონიის მთავრობის ჩართულობა და სრული მხარდაჭერა.