პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი „გებრუდერ ვაის-საქართველოს“ გენერალურ დირექტორს ალექსანდრ ხარლამოვს შეხვდა.

შეხვედრაზე მხარეებმა ტრანსპორტისა და ლოგისტიკის დარგის განვითარებასა და ამ მიმართულებით არსებულ გამოწვევებზე იმსჯელეს. ხაზი გაესვა საქართველოს, როგორც სატრანსპორტო ჰაბის ფუნქციის მაქსიმალურად ათვისების მნიშვნელობას.

Gebrüder Weiss მსხვილი ავსტრიული კომპანიაა. მისი საქმიანობის ძირითადი სფეროებია სახმელეთო ტრანსპორტირება, საჰაერო და საზღვაო ტვირთების გადაზიდვა და ლოგისტიკა.