მხარეებმა ორი ქვეყნის ურთიერთობების კიდევ უფრო განვითარებაზე ისაუბრეს.
სტრატეგიული პარტნიორი ქვეყნის საკანონმდებლო ორგანოს წარმომადგენელთან შეხვედრისას, საქართველოს ნატოში და ევროკავშირში ინტეგრაციაზე და ამ მიმართულებით ლიეტუვის მხარდაჭერაზე ისაუბრეს.

შეხვედრისას, ყურადღება გამახვილდა აღმოსავლეთ პარტნიორობის ქვეყნებთან, მათ შორის, საქართველო, უკრაინა, მოლდოვას ფორმატში ლიეტუვას ჩართულობაზე.
მხარეებმა რეგიონული უსაფრთხოების საკითხები მიმოიხილეს. ისაუბრეს კავკასიის რეგიონში ბოლო პერიოდში განვითარებულ მოვლენებზე ასევე, შავი ზღვის რეგიონის უსაფრთხოების საკითხებზე და არსებულ გამოწვევებზე.

შეხვედრისას ყურადღება გამახვილდა შიდა პოლიტიკურ ვითარებაზე, სადაც მხარეები თანხმდებიან, რომ შექმნილი ვითარებიდან გამოსავალი არის პოლიტიკური დიალოგი.

„ჩვენ ვთანხმდებით იმაში, რომ შექმნილი ვითარებიდან გამოსავალი არის პოლიტიკური დიალოგი. ოპოზიციური და მმართველი პარტიები უნდა დავსხდეთ მოლაპარაკების მაგიდასთან და ერთად ვიპოვოთ გამოსავალი. საქართველოს წინსვლისთვის და განვითარებისთვის მნიშვნელოვანია, რომ ქვეყანაში იყოს მშვიდობა, ქვეყანაში ნორმალურად ფუნქციონირებდეს პარლამენტი, იყოს ეკონომიკური განვითარება და რომ სიტუაცია უნდა დეესკალირდეს“, - განაცხადა ნიკოლოზ სამხარაძემ.