ახალი კორონავირუსის (COVID-19) გავრცელების გამო ქვეყანაში გამოცხადებული საგანგებო მდგომარეობის მიუხედავად, ღია მმართველობის მუდმივმოქმედი საპარლამენტო საბჭო (OGP) ინტენსიურ საქმიანობას აგრძელებს.

საპარლამენტო ღიაობის გაძლიერებისა და მოქალაქეთა ჩართულობისა და ინფორმირების ამაღლების უზრუნველსაყოფად მომზადდა საინფორმაციო მასალა საგანგებო მდგომარეობის შესახებ.

ინიციატივა განხორციელდა ევროკავშირისა (EU) და გაეროს განვითარების პროგრამის (UNDP) მხარდაჭერით და ინფორმაციის თავისუფლების განვითარების ინსტიტუტთან (IDFI) თანამშრომლობით.

დოკუმენტების სრული ვერსიის სანახავად ეწვიეთ შესაბამის ბმულს.

• საგანგებო მდგომარეობის გამოცხადების საფუძვლები, პროცედურები, ვადები და საქართველოს პარლამენტის საქმიანობა საგანგებო მდგომარეობის გამოცხადების პროცესში 
• საგანგებო მდგომარეობის დროს საქართველოს კონსტიტუციით განსაზღვრული უფლებების შეზღუდვა პრეზიდენტის დეკრეტის შესაბამისად 
• საქართველოს პარლამენტის საქმიანობაში მოქალაქეთა ჩართულობის მექანიზმები საგანგებო მდგომარეობის პირობებში 
• კორონავირუსის პრევენციის მიზნით სახელმწიფოში მოქმედი წესები 

„პანდემიად გამოცხადებული COVID-19-ის პირობებში განსაკუთრებით მნიშვნელოვანია სამოქალაქო საზოგადოებისთვის დროული და ზუსტი ინფორმაციის მიწოდება. ღია მმართველობის მუდმივმოქმედი საპარლამენტო საბჭო (OGP) განაგრძნობს აქტიურ მუშაობას ამ მიმართულებით. მოქალაქეთა ინფორმირებულობის გაზრდისა და მცდარი ინფორმაციის გავრცელების პრევენციის მიზნით შემუშავდა გზამკვლევი და ინფოგრაფიკები საგანგებო მდგომარეობისა და საქართველოს პარლამენტის საქმიანობის შესახებ აღნიშნულ პირობებში. მინდა მადლობა გადავუხადო ევროკავშირს (EU), გაეროს განვითარების პროგრამასა (UNDP) და ინფორმაციის თავისუფლების განვითარების ინსტიტუტს (IDFI) ინიციატივის განხორციელებაში თანადგომისთვის“, - კახა კუჭავა, საბჭოს თავმჯდომარე.