პარლამენტის ბიუროს სხდომაზე დღევანდელი პლენარული სხდომის დღის წესრიგი განისაზღვრა.

როგორც პარლამენტის თავმჯდომარის პირველმა მოადგილემ, გიორგი ვოლსკიმ აღნიშნა, ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ უკვე მოახსენა პარლამენტს კომიტეტის საქმიანობის ანგარიში, რომელსაც დღეს პლენარულ სხდომაზე ცნობად მიიღებენ.

დეპუტატები კენჭს უყრიან არჩილ თალაკვაძის პარლამენტის თავმჯდომარის მოადგილედ არჩევის საკითხს.

დღესვე დეპუტატები სახელმწიფო უსაფრთხოების სამსახურის ანგარიშს მოუსმენენ.

როგორც გიორგი ვოლსკიმ განაცხადა, პლენარული სხდომის შესვენების დროს ბიუროს სხდომა გაიმართება.