საქართველოს პარლამენტის წევრმა, ხაშურის მაჟორიტარმა დეპუტატმა, სიმონ ნოზაძემ ხაშურში შოთა რუსთაველის 850 წლისთავისადმი მიძღვნილ სამეცნიერო კონფერენციაში მიიღო მონაწილეობა.

საიუბილეო კონფერენციაში საქართველოს სხვადასხვა უნივერსიტეტების 40-მდე ფილოლოგი და ისტორიკოსი მონაწილეობდა.

ხაშურის სამუზეუმო გაერთიანების დირექტორმა თამაზ ლაცაბიძემ, რუსთაველის საზოგადოების რაიონული ორგანიზაციის თავმჯდომარემ, მურად მთვარელიძემ, მეცნიერებმა და ადგილობრივი ხელისუფლების წარმომადგენლებმა დიდი პოეტის შემოქმედების სხვადასხვა ასპექტებზე ისაუბრეს.

პარლამენტის წევრმა, სიმონ ნოზაძემ ხაზი გაუსვა გენიალური პოეტის 850 წლისთავის თარიღის მნიშვნელობას და სახელმწიფოს მონაწილეობას მისი სათანადოდ აღნიშვნის საქმეში. დეპუტატმა ისაუბრა შოთა რუსთაველის შემოქმედების მკვლევარის ვიქტორ ნოზაძის საქმიანობაზე. 

იმავე დღეს ხაშურის N6 საჯარო სკოლაში რუსთაველის განახლებული დარბაზი გაიხსნა.