13-14 სექტემბერს, გენდერული თანასწორობის საბჭოს საქმიანობის ფარგლებში, გაიმართა სემინარი საპარლამენტო ჟურნალისტებისთვის, რომელსაც საბჭოს თავმჯდომარე, თამარ ჩუგოშვილი უძღვებოდა. 

ღონისძიების ფარგლებში საუბარი და დისკუსია მიმდინარეობდა ისეთ საკითხებზე, როგორებიცაა: ქალთა პოლიტიკური ჩართულობა, ქალთა ეკონომიკური გაძლიერება, საკანონმდებლო პროცესის გაუმჯობესება გენდერული თანასწორობის მიმართულებით, ქალთა მიმართ ძალადობა და ოჯახში ძალადობა, სტამბოლის კონვენციის რატიფიცირება და ამ კუთხით საქართველოს მიერ მიღწეული შედეგები და პროგრესი. ქალთა ეკონომიკურ გაძლიერებაზე, როგორც გენდერული თანასწორობის საბჭოს 2019 წლის პრიორიტეტზე, ჟურნალისტებს საბჭოს წევრი, ნინო წილოსანი ესაუბრა. 

საპარლამენტო ჟურნალისტები ამომწურავად გაეცნენ გენდერული თანასწორობის საბჭოს საქმიანობას, 2018-2020 წლების სამოქმედო გეგმას და დაგეგმილ ღონისძიებებს. შეხვედრა კითხვა-პასუხის და დისკუსიის რეჟიმში მიმდინარეობდა.

სამუშაო შეხვედრა გაიმართა ეროვნულ-დემოკრატიული ინსტიტუტის (NDI) მხარდაჭერით, ასევე ბრიტანეთის მთავრობის UK aid-ის ფინანსური ხელშეწყობით და PROLoG/USAID-ის პროგრამის მხარდაჭერით.