თავდაცვისა და უშიშროების კომიტეტის თავმჯდომარის მოადგილე, ვლადიმერ ჩაჩიბაია ნატოს სამეკავშირეო ოფისის სამხედრო ოფიცერს, გინტარას ბაგდონას და ნატოს სამეკავშირეო ოფისის ხელმძღვანელის მოადგილეს, პირიტ პიკერთს შეხვდა.

შეხვედრის თემას ნატოს 72-ე დაბადების დღისადმი მიძღვნილ კონფერენციაზე ვლადიმერ ჩაჩიბაიას მიერ გაკეთებული განცხადება წარმოადგენდა, რომელიც შავი ზღვის გაერთიანებული სარდლობის შექმნის ინიციატივას შეეხებოდა.

სტუმრები აღნიშნული ინიციატივის დეტალებით, ორგანიზაციის სტრუქტურით და პასუხისმგებელ პირთა განსაზღვრის საკითხებით დაინტერესდნენ.

შეხვედრაზე აღინიშნა, რომ ნატოს შავ ზღვაზე შეკავებისა და თავდაცვის სხვადასხვა ფორმატები აქვს, თუმცა შავი ზღვის უსაფრთხოების გამოწვევებიდან გამომდინარე, საინტერესო იქნება აღნიშნულ ინიციატივაზე მსჯელობის გაგრძელება და დისკუსიების გამართვა.