სპორტისა და ახალგაზრდულ საქმეთა კომიტეტის თავმჯდომარე, მიხეილ ყაველაშვილი ქართველ ნიჩბოსნებს ზაზა ნადირაძეს, ბადრი ყაველაშვილს და თენგო დიასამიძეს შეხვდა.

შეხვედრაზე მხარეებმა ნიჩბოსნობის სპორტის სახეობის განვითარების და მისი პოპულარიზაციის საკითხები განიხილეს. საუბარი შეეხო ნიჩბოსნობის ინფრასტრუქტურულ პროექტებს და თბილისის ზღვაზე სპორტული კომპლექსის გამოყოფის საკითხს, სადაც ნიჩბოსნებთან ერთად პარასპორტსმენები ვარჯიშებს და სწავლებას შეძლებენ.

სპორტსმენებმა, კომიტეტის თავმჯდომარეს, თბილისის ზღვაზე შესაბამისი ინფრასტრუქტურის გამოყოფის მიზნით, სამინისტროსთან და თბილისის მერიასთან შუამდგომლობის თხოვნით მიმართეს.

კომიტეტის თავმჯდომარემ სპორტსმენებს დახმარება აღუთქვა და აღნიშნა, რომ სამინისტროსთან და მუნიციპალიტეტის შესაბამის სამსახურებთან ერთად საკითხის შესწავლის შემდეგ გამოიკვეთება თუ რა შესაძლებლობები არსებობს, რათა შეიქმნას შესაბამისი ინფრასტრუქტურა და სპორტის აღნიშნული სახეობა განვითარდეს და კიდევ უფრო პოპულარული გახდეს.