სპორტში ეკონომიკური განზომილების და სტატისტიკური მონაცემების წარმოების თაობაზე წინა მოსამზადებელი სამუშაოების დაწყების შესახებ ისაუბრეს სპორტისა და ახალგაზრდულ საქმეთა კომიტეტის თავმჯდომარის, მიხეილ ყაველაშვილის და საქართველოს სტატისტიკის ეროვნული სამსახურის აღმასრულებელ დირექტორს, გოგიტა თოდრაძის შორის გამართულ შეხვედრაზე.

როგორც მიხეილ ყაველაშვილმა აღნიშნა, ქვეყნის განვითარებაში სპორტის როლის შესახებ კომიტეტმა არაერთი მოკვლევა და თემატური სამუშაოები ჩაატარა და დღის წესრიგში დადგა ეკონომიკაში სპორტის როლის განსაზღვრის შესწავლა. შეხვედრაზე მხარეებმა ეკონომიკის განვითარებაში სპორტის წილის სტატისტიკური მონაცემების დამუშავების მეთოდოლოგიის მომზადების შესახებ ისაუბრეს და საერთაშორისო პრაქტიკის გამოცდილების გაზიარების აუცილებლობა აღნიშნეს.

„ეკონომიკაში სპორტის წილის განზომილების შესწავლა კომიტეტის სტრატეგიული გეგმის ერთ-ერთ პრიორიტეტს წარმოადგენს. ამისათვის კი, პირველ ეტაპზე აუცილებელია სტატისტიკის წარმოება და სტატისტიკური მეთოდოლოგიების დანერგვა, რათა ეკონომიკის განვითარებაში სპორტის პოტენციალის მაქსიმალური გამოყენება მოხდეს. შეხვედრაზე საქსტატის წარმომადგენელთან შემდგომი თანამშრომლობის საკითხები განვიხილეთ და სტატისტიკის წარმოების დაწყების მნიშვნელობაზე ვისაუბრეთ“, - განაცხადა მიხეილ ყაველაშვილმა.