პარლამენტის წევრებმა პანელურ დისკუსიაში „მეწარმეთა შესახებ“ ახალი კანონის პროექტზე იმსჯელეს
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ და პარლამენტის იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა მონაწილეობა მიიღეს ბიზნესისა და ტექნოლოგიების უნივერსიტეტის ორგანიზებით გამართულ ონლაინ პანელურ დისკუსიაში, რომელიც ეძღვნებოდა „მეწარმეთა შესახებ“ ახალი კანონის პროექტის განხილვას.
დისკუსიაში ასევე მონაწილეობდნენ საქართველოს საპროცედურო საკითხთა კომიტეტის თავმჯდომარის პირველი მოადგილე გურამ მაჭარაშვილი და განათლებისა და მეცნიერების კომიტეტის წევრი მარიამ ლაშხი.
მიხეილ სარჯველაძემ ისაუბრა პროექტის მნიშვნელობაზე და აღნიშნა, რომ ამჟამად არსებული, 1994 წელს მიღებული კანონი ვერ პასუხობს თანამედროვე გამოწვევებს.
ახალ კანონპროექტზე მუშაობა 2013 წელს დაიწყო და სამეწარმეო სამართლის რეფორმასთან ერთად, ითვალისწინებს ასოცირების შეთანხმებით გათვალისწინებულ ვალდებულებებთან შესაბამისობას.
შეხვედრაზე ასევე, ხაზი გაესვა სტუდენტების და აკადემიური პერსონალის ჩართულობას კანონპროექტის განხილვის პროცესში.
შეხვედრას მოდერატორობას უწევდა ბიზნესისა და ტექნოლოგიების კვლევების ცენტრის დირექტორი, ზვიად გაბისონია.
