ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე საქართველოს პარლამენტის რეგლამენტში შესატანი ცვლილებები განიხილეს.

ერთ-ერთი ინიციატორის, რატი იონათამიშვილის განცხადებით, საკანონმდებლო ინიციატივის შემუშავება განაპირობა გაზაფხულზე მიღებულმა კანონმა „შეზღუდული შესაძლებლობების მქონე პირთა უფლებების შესახებ“.  

„ამ კანონზე მუშაობისას, გამოიკვეთა საჭიროება, რომ პარლამენტის რეგლამენტშიც შესულიყო ცვლილებები, რომელიც ქმნის გარანტიებს, საპარლამენტო ზედამხედველობა და კონტროლი გამკაცრდეს. ყალიბდება ახალი პროცედურები, რაც არის ძალიან მნიშვნელოვანი და შეუწყობს ხელს იუსტიციის სამინისტროსა და მთავრობის მიერ მომზადებული კანონის იმპლემენტაციას“, - განაცხადა რატი იონათამიშვილმა.

კომიტეტმა მხარი დაუჭირა კანონპროექტის პლენარულ სხდომაზე განხილვას.