ადამიანის უფლებათა დაცვისა და სამოქალაქო ინტეგრაციის კომიტეტში შრომის უსაფრთხოების საკითხებთან დაკავშირებით შექმნილი თემატური მოკვლევის ჯგუფმა სამუშაო შეხვედრა გამართა. 

როგორც კომიტეტის თავმჯდომარის მოადგილემ, რატი იონათამიშვილმა განმარტა, შეხვედრა მნიშვნელოვანი იყო სახელმწიფო უწყებების, სამოქალაქო და კერძო სექტორის წარმომადგენლებისთვის კვლევის ფარგლებში იდენტიფიცირებული რისკების შესახებ ინფორმაციის მისაწოდებლად. 

„ჩვენი მიზანია შრომის ადგილებზე მაქსიმალურად უზრუნველყოფილი იყოს შრომის უსაფრთხოება და დაცული იყოს შრომითი უფლებები. ჩვენ მოვისმინეთ პოზიციები შრომის ინსპექტირების დეპარტამენტისგან, ასევე მუნიციპალური ინსპექტირების სამსახურისგან, აღნიშნული მასალისა და მოწოდებული წინადადებების გაანალიზების საფუძველზე ჩვენ მივიღებთ კონკრეტულ რეკომენდაციებს, რომელიც იქნება რეალისტური, კონკრეტული და ეფექტიანი დასაქმებული ადამიანების საუკეთესო მიზნებიდან გამომდინარე“, - განაცხადა რატი იონათამიშვილმა.